என்னுள் எழுந்த ஏன்கள்????

( கற்றறிந்த பெரியவர்களின் விளக்கத்திற்காக...... )

* மலையை ‘அவனா’கவும், நதியை ‘அவளா’கவும் கூறல் மரபு.பின்
அந்த நதிக்கு மட்டும் பிரம்மபுத்ரா என்கிற பெயர். ஏன்?
* பொய்யான இவ் யாக்கையை மெய் என்று கூறுகிறார்களே, அது ஏன்??
* ’ஐயம் இட்டு உண்’ என்பது முது மொழி. அவ்விடத்தில் ’இட்டு’ என்பது
சற்றே இழி நிலையைக் குறிப்பதல்லவா? ‘ விருந்தினர் போற்றுதும்..’
’அதிதி தேவோ பவ..’ என்று விருந்தினர்களை உயர்வாய் மதிக்கும் போது
அந்த ‘இட்டு’ இங்கு ஏன்???
* ‘ கண்டனன் கற்பினுக்கணியைக் கண்களால்’ என்கிறான் கம்பன். அனுமனின்
வாயிலாக ‘கண்டேன் சீதையை’ என்று சுருக்கமான சொன்ன அந்த
’சொல்லின் செல்வன்’ ’கண்டனன்...கண்களால்’ என்கிறானே. கண்களின்
வரவு அங்கு தேவை இல்லையே? அது ஏன்????