நேர் நேர் பாமா....

மிருகக் காட்சி சாலையில்..
பட்ஜெட் வரப் போவதை,
ஞாபகப் படுத்தின,
வரிக் குதிரைகள்!
**************************
வரப் போகிறது தேர்தல்..
இதில்,
யாருக்குத் தேறுதல்?
யாருக்கு ஆறுதல்??
**************************
முற்பிறவியின் செயல்
இப்பிறவியில் தொடரும்
என்பது மூட நம்பிக்கை..
புத்தக மூட்டையை,
முதுகில் சுமக்கும், நம்
அத்தனை பிள்ளைகளுமா,
நத்தைகளாய் பிறந்திருப்பார்கள் ?
*****************************
# சித்திரை, வைகாசி
வீதி உலா வரும் சாமிகள்,
இப்பொழுது மாசியிலேயே,
வர ஆரம்பித்து விட்டன..
கர்ப்ப கிருகத்திலுமா
கரெண்ட் கட்?
******************************
அலகிட்டு வாய்ப்பாடு
கூறும் போது,
”நேர் நேர் பாமா”-என்றான்,
அந்த பாமாவைக் காதலித்தவன்!
*******************************
# “இனிப் பொறுப்பதில்லையண்ணே,
எரிதழல் கொண்டு வா”
விளக்கினை ஏற்றிடுவோம்!!
********************************
(பின் குறிப்பு: # “இறந்து போய் விட்ட இன்வெர்ட்டர்கள்” என்ற என் கவிதைத் தொகுப்பிலிருந்து..)